26 Décembre 2012
Còp Per Còp 31 (Coup Pour Coup 31) es un collectiu anti-imperialista creat en març de 2009 a Tolosa.
Regropa òmes e femnas, francés o imigrats, amb o sens papièrs, a l’entorn dels axes desvolopats per aquela plataforma.
Los posicionaments nòstres :
·Combatèm l’imperialisme en tant que sistèma de dominacion e d’espleitacion.
·Combatèm tota forma d’intervencion imperialista, principalament francesa, dins lo mond que siá politica, economica, militaria o culturala.
·Combatèm totas formas de racisme (antisemitisme, arabofòbia…) e de chovinisme
·Sostenèm las lutas dels pòbles dins lo mond que se bàton per lor liberacion nacionala e sociala. En particular, las organisacions progressistas e revolucionarias que pòrtan un projècte desmancipator per totas e tots.
·Sostenèm la resisténcia palestiniana que se bat per un sol estat democratic, laïc e multicultural en Palestina sus lo territòri istoric.
· Sostenèm lo dreit a l’independéncia e a l’autodeterminacion dels pòbles de las colonias francesas : Antilhas, Guiana, Canaquia etc.
·Sostenèm totas las victimas progressistas e/o revolucionarias de la repression, quin que siá lors causidas tacticas e/o estrategicas
Las accions nòstras :
·Organisam o participam de manièra unitaria a de recampaments, manifestacions en sosten als pòbles en luta dins lo mond, contra lo racisme e contra la repression.
·Organisam de rencontres internacionalistas amb de militants progressitas e/o revolucionaris a fin de popularisar lors combats.
·Organisam de projeccions-debats
·Organisam de collèctas de solidaritat
·Organisam la distribucion de bulletins e de tracts dins los barris popularis a fin de faire conéisser las lutas anti-imperialistas en França e dins lo mond.
Lo fonccionament nòstre :
·L’adesion al collectiu nòstre se fa de manièra individuala sus la basa de l’ acòrdi amb la plataforma nòstra e de las presas de posicions nòstras.
·Lo collectiu foncciona sus los principis de l’autò finançament a fin de permetre una independéncia totala. Las sorgas de finançament nòstras son : los dons, las seradas de sosten, la venda de brocaduras e de materials de sosten e la cotisacion mesadièra individuala (5€/mes)
·S’amassam cada 15 jorns e las presas de posicions nòstras se fan a la majoritat simpla. Organisam un còp per annada, una amassada generala que elabora lo bilanç politic de l’annada passada e prepara un plan de trabalh per l’annada que ven.